Sunday October 21, 2018 |

बस्न्यात कोरियाको राष्ट्रिय क्रिकेट टोलीको मुख्य प्रशिक्षक

featured-news

फागुन १५, काठमाडौं । नेपाली क्रिकेट प्रशिक्षक राजु बस्न्यात दक्षिण कोरियाको राष्ट्रिय क्रिकेट टोलीको मुख्य प्रशिक्षक नियुक्त भएका छन् । कोरीयाले बस्नेतलाई आफ्नो पुरुष र महिला दुबै टोली हेर्ने गरी मुख्य प्रशिक्षकमा नियुक्त गरेको हो । यससँगै बस्न्यात बिदेशी राष्ट्रिय टोलीको मुख्य प्रशिक्षकको जिम्मेवारी सम्हाल्ने (टीम गेममा) पहिलो नेपाली प्रशिक्षक बनेका छन् ।

अन्य खेलमा भने यस अघि टेवल टेनिसका सुरेन्द्र सुवालले भुटानको राष्ट्रिय टोली सम्हालेका थिए । सुरेन्द्रको नेतृत्वमा भुटानले अन्तर्राष्ट्रिय प्रतियोगिता समेत खेलेको थियो । प्रशिक्षक बस्न्यातले कोरीयाको मुख्य प्रशिक्षकका लागि आफुले हस्ताक्षर गरीसकेको जानकारी दिए । ‘केही समय अघि प्रशिक्षकका लागि आबेदन मागिएको थियो । त्यसमामा मैले पनि प्रयास गरेको थिए’, प्रशिक्षक बस्न्यातले अन्नपूर्णसँग भने, ‘त्यसमा छनोट भएपछि मैले सम्झौता समेत गरीसकेको छु ।’ बस्न्यातका अनुसार कोरियाले उनलाई आगामी एक बर्षका लागि मुख्य प्रशिक्षकका रुपमा नियुक्त गरेको हो ।

अर्काे बर्ष अगस्ट र सेप्टेम्बरमा इन्डोनेशीयामा हुने एसियाली खेलकुदको तयारीमा रहेको कोरियाले आफ्नो क्रिकेट टोलीका लागि बस्न्यातलाई मुख्य प्रशिक्षकमा नियुक्त गरेको हो । दक्षिण कोरियाले आफ्नो टोलीका लागि बस्न्यातसहित दुई अष्ट्रेलियन प्रशिक्षक पनि नियुक्त गरेको छ । अष्ट्रेलियन प्रशिक्षकबारे जानकारी नगराईएपनि उनिहरुले मुख्य प्रशिक्षक बस्न्यातकै नेतृत्वमा रहेर काम गर्ने बुझीएको छ ।

विदेशी राष्ट्रिय टोलीको मुख्य प्रशिक्षकको जिम्मेवारी सम्हाल्ने पहिलो नेपाली प्रशिक्षक बनेका बस्न्यातले आफुलाई खुसी लागेको प्रतिकृया दिए । यद्यपि उनले यसलाई आफुले चुनौतीका रुपमा लिएको पनि बताए । ‘खुसी लागेको छ । मेरा लागि यो ठूलो अवसर हो । तर, त्यो भन्दा पनि ठूलो मेरा लागि यो चुनौती हो’, बस्न्यातले भने, ‘यो अवसरमा मैले आफुलाई प्रमाणित गर्न सकिन भने मलाई मात्रै हैन, अन्य नेपाली प्रशिक्षकलाई समेत आगामी अवसर बन्द हुने छन् । त्यसैले यो अवसरमा मैले आफुलाई प्रमाणीत गर्नुपर्ने छ ।’

पुर्व खेलाडी समेत रहेका बस्न्यात पछिल्लो झन्डै ६ बर्ष यता प्रशिक्षणमा ब्यस्त रहदै आईरहेका छन् । सन् २०१४ मा नेपालले एसियाली क्रिकेट काउन्सिल (एसिसी) यू–१६ प्रिमियर लिगको उपाधि जित्दा नेपाली टोलीको प्रशिक्षक रहेका बस्न्यातले पछिल्लो समय नेपाली राष्ट्रिय महिला टोलीको जिम्मेवारी समेत सम्हालेका थिए । बस्न्यात प्रशिक्षक बन्नु अघि नेपाली क्रिकेट टोलीका उत्कृष्ट खेलाडी थिए ।

घरेलु प्रतियोगितामा ५० विकेट लिने पहिलो खेलाडी बस्न्यातले नेपालको उमेर समुह र राष्ट्रिय टोलीबाट अन्तर्राष्ट्रिय प्रतियोगिता खेलेका छन् । अल राउन्डर प्रदर्शन गर्ने उनिले सिनियर राष्ट्रिय टोलीबाट डेब्यु गरेकै खेलमा उनले भुटानविरुद्ध पाँच विकेट लिएका थिए । बस्न्यातको नियुक्तिमा सहयोग गरेका नेपाल क्रिकेट संघ (क्यान) का प्रमुख कार्य सञ्चालक (सिओओ) छुम्बी लामाले नेपाली प्रशिक्षक पनि बिदेशी टोली हेर्न सक्षम रहेको प्रमाणीत भएको बताए ।

‘कोरियाको राष्ट्रिय टोलीको मुख्य प्रशिक्षकको रुपमा नेपाली प्रशिक्षकको नियुक्तीले हामीले प्रशिक्षकहरु पनि सक्षम छन् भन्ने देखाएको छ’, सिओओ लामाले भने, ‘त्यसले अन्य नेपाली प्रशिक्षकहरुका लागि पनि बाटो प्रशस्त गर्ने छ ।’

यसमा तपाईको मत

फेसबुकबाट तपाईको प्रतिक्रिया

सम्बन्धित समाचार

icon